American Center innpi kap tu kan kai ngah ti`n ralkap pawl in thuthannak nei

Yangon, University Avenue ih um American center innpi kaptu cu Aye Taw Kaung a siih March 30, zaan nazi 9 ah a umnak Bahan myone ah a mercedez motor dum thawn kan kai ngah ti`n MRTV cun April 7 zaan ah a phuang.

“Aye Taw Kaung cun a dum rong pistol air gun le cerek 150 cu kyat ting 19000 cemliam in February thla ah online in a lei.”

“March 26 ah motor number lem bun mi a pa` Mercedez motor dum thawn American center innpi cu voi thum-li hrawng a heel ih a thlingthla. March 27 ah cuih mercedez motor dum thawn inn ihsin a pok suak ih American center innpi cu motor sung in voi 7 hrawng a kap.”

“March 28 ah a meithal le a hman mi bungrua pawl cu zo hman ih hawl suak theilo dingin ငမိုးရိပ် tiva sungah a hlon” tiah MRTV cun April 7 zaan ah a phuang suak.

Cuih tlun ah Aye Taw Kaung cu NLD party lamṭang a si ih lamzawh duhphorhnak khalah a tel ṭheu tikhalin thuthang ah an phuang tel.

March 27 ih American Center innpi kap an tuar thu cu U.S. Embassy Burma in zaanlam ah twitter ah thlah in khawtlang mipi theihternak an nei.

Cuih ṭum ah khawngaw le hliamhma tuar an um lo ih thuhla fiangfai theisuak thei dingin zingzoinak kan nei rero tiah U.S. Embassy cun tlangthannak an nei.

Leave a Reply

Your email address will not be published. Required fields are marked *