YouTuber Jake Paul in Conor McGregor a Ngair

November 28, Mike Tyson le Roy Jones Jr boxing thongaw ṭum, main card ih telve YouTuber Jake Paul cun MMA star Conor McGregor a ngair.

Jake Paul cu Mike Tyson le Roy Jones Jr sualaw ṭum ah NBA player Nate Robinson thawn an sualaw ih Jake Paul in a knockout.

Nate Robinson thawn an sualaw hnu ah BT Sport in hmaton thusutnak a nei ih Jake Paul cun “Training nasa zetih ka neihnak hi kum 1-2 a kim zo. Boxing khawvel hi thupi zetin ka ngaihsak thlang. Sual duhmi ka neitam zet ih Conor McGregor le a rual Dillon Danis khal ka knockout hai ding. Boxing khawvel ah caanrei in ka um tum thlang” a ti.

Youtuber Jake Paul cu Boxing khawvel ah professional dinhmun in voihnih mi a sual zo ih tukum thok 2020, January 30 ah AnEsonGib thawn an sualaw ih round 1 nakah TKO in nehnak a co.

Avoihnihnak cu NBA player Nate Robinson thawn November 28 ah an sualaw ih round 2 nakah a ralpa Knockout in nehnak a co. Cuih ṭum ah Conor McGregor cu a ngair ih Conor lam cun zianghman letnak an nei lo.

Jake Paul cun tuhlan khal ah Conor McGregor a rak ngair dah ih TMZ in thusutnak a nei mi ah “kan team manager le Conor McGregor team manager an biakaw lai. Cumi lobak cu zianghman ka rel lo ding” a ti.

Leave a Reply

Your email address will not be published. Required fields are marked *

error: hahahahahaha !!