Dustin Poirier in Conor McGregor a Knockout (Technical)

Leitlun MMA khawvel mipi ih hngathlap zetmi Dustin le Conor sualawknak ah Dustin in a neh. Round 1 nakah Conor dinhmun a ṭha deuh nan round 2 nakah Dustin in Conor a knockout (technical).

Kum 2014 ah an rak sualaw dah ih cuih ṭum ahcun Conor in olsam zetin round 1 nakah a neh.

Tuṭum, Dustin ih tumtahmi cu Conor caurau dingin a ke ah sit ciamco a tumtah ih a tumtah vekin a cangvai fuh taktak.

An sualaw ṭheh hnu ah voithumnak sualaw sal dingin Dustin in Conor a ngair cih ih “UFC ih boxer miturubik ka si” a ti.

Conor khalin a cak lo nak san cu mi thawn an sualaw lonak a rei phah thlang ruangah sivek deuh in a rel.

Conor mi a sual netabik cu January 2020 ah a si ih cuih ṭum ah Cowboy Cerrone cu round 1 nakah a knockout.

Kum 2016, November thla hnu in kum 2 zikte a cawl lawk ih OCtober 2018 ah Khabib thawn an sualawk. Cuih ṭum ah Khabib in a neh. Cuhnu in kum 1 luan a cawl lala a si.

Conor in tui kum sungah a malbik voithum tal mi ka sual ding tiah a rak sim dah ih, Dustin in a neh hnu voithumnak sualaw ding ih a ngair mi cu a co hlang ding maw! cohlang loding ti a fiang lo.

Leave a Reply

Your email address will not be published. Required fields are marked *