2021, Lehpan khawvel ih hlawh ṭhabik top 10 UPDATE – Forbes

2021 lehpannak khawvel ih kumkhat hrang sumsaw laklut tambik cazin a suak cu ruahlopin number 1 ah MMA khawvel ih hminthang Conor McGregor a tling.

Cumicu, Forbes in kumtinten a pholang ṭheumi Lehpannak khawvel ih paisa lakluttambik cazin sungta a siih 2020, May 1 ihsin 2021, May 1 karlak ih sumsaw an laklut dan ih zirin Forbes in a pholang mi a si.

Forbes ih pholangmi “highest paid athletes list” hi lehpan khawvel lawngih laklutmi sumsaw lawng siloin pursumnak dangdang ih laklutmi sumsaw khal a huap tel cih.

Number 1 ah Conor a tling theinak san cu a company Proper No. Twelve whiskey thawn a laklut mi pawl an siar tel ruangah a si.

Kan dung kum may thla ihsin 2021 May thla tiangah $180 million sumsaw a laklut. Cumi ah January thla ih Dustin Poirier thawn an sualaw ṭum ih laklutmi $22 million siar telh a si cih ih, culodang $158 million cu sumphumnak dangdang le zu zuarnak thawn a laklut mi sumsaw an si.

Conor McGregor hi Forbes top 10 highest paid athletes list ah voikhat a rak tel ban dah. Cuih ṭum cu Floyd Mayweather thawn an sualaw ṭum 2017 ah a si ih tuṭum hi top 10 ih a langban voihnihnak a si.

2020-2021 ah sumsaw a laklut ṭha zetih Manchester United F.C. lei a tum tikhalin thuthang a suak dah a si.

Forbes’ highest-paid athletes

(May 1, 2020 to May 1, 2021)

1. Conor McGregor (UFC) $180 million

2. Lionel Messi (soccer), $130 million

3. Cristiano Ronaldo (soccer), $120 million

4. Dak Prescott (NFL), $107.5 million

5. LeBron James (NBA), $96.5 million

6. Neymar (soccer), $95 million

7. Roger Federer (tennis), $90 million

8. Lewis Hamilton (F1), $82 million

9. Tom Brady (NFL), $76 million

10. Kevin Durant (NBA), $75 million

Leave a Reply

Your email address will not be published. Required fields are marked *