Van boruak par ih A hring rong Tleu danglam cun Australia mipi a ti mangbang

Zaanlai ih a hring rong tleunak danglam zet, van boruak par ih a suak mi cun mipi a ti mangbang zet ih cuih tleunak cu Australia ram hmun ṭhenkhat ah fiang zetin an hmu.

Victoria le South Australia ih um ṭhenkhat khal in an hmu ih a hring rong tleunak danglam cu video ih rak zuk ngahtu khal an um.

Ziangruang ih suakmi tleunak a si timi cu theihcian a si lo ih mithiam Astronomer pawl cun kan dung lam ihsin an sim cia mi, mizaan nazi 11:20pm hrawng ih kan leilung pial ih tlak dingmi boruak ih um Asteroid 2002 NN4 si ding an zum.

Asteroid 2002 NN4 cu football field 6 tiat hrawng a siih kan leilung le Thlapi lak tluk hnakih let 13 (5.2 million kiolmetres) hlatnak ih tlak mi a si ruangah kan leilung cu a tham banlo ding ih, ṭihphanding ziang hman a um lo thu, NASA pawl in an sim.

2019, August thla khal ah tui ta tiat asteroid cu kan leilung pail ah a tlak. Tuhlan khalah a tlak ṭheu ruangah NASA pawl cun a pangai ah an ruat men thlang.

Van Boruak par ihsin hanwmhne tiat thil fate zet tete cu nitin a tlak nan minung umlonak lole tipi thuanthum sungah an tlak ṭheu ih kan umnak leilung hmun ṭhenkhat siat ko ih tlak thei Asteroid cu kum 200-300 sungah voikhat hrawng lawng a si ṭheu.

Kum 2013 ah 19 metres meteor Russia ram ah a tlak ih kan umnak leilungpi cu a ti sia tham lonan minung 1000 hrawng cun hliamhma an tuar.

ref:9news,metro

Leave a Reply

Your email address will not be published. Required fields are marked *