TikTok app in iPhone hmangtu pawl ih DATA Fir

Tulai tleirawl le Intertainment khawvel ih hman bikmi TikTok app in iPhone hmangtu pawl ih data a fir lai cu test nak an nei rero lai mi iOS 14 privacy feature thar in a kai ngah.

iOS 14 privacy feature cu iPhone hmangtu pawl ih cangan mi temporary ih retnak clipboard ih data a thupten firtu app an um a si le phone neitu simthei dingih tuahmi a siih TikTok in iPhone hmangtu clipboard ta data a fir lai cu a kai ngah mi a si.

Kan dung kum khalah user data a fir mi kaingah a siih TikTok lam cun app featrue thar a siih kan rem lohli ding tiin thukamnak an nei nan, tu ah data fir lai kai ngah bet a si.

TikTok cu China, Beijing hrambun ByteDance company tuahmi a siih 2019 ah, kum 13 tanglam nauhak, TikTok app hmangter lo ding timi children privacy law daan pahbal ruangah $5.7 million cawhkuanter an si.

TikTok in hivek ih daan a pahbal ruangah le a neitu company ByteDance le China cozah pehzomnak an nei ruangah US cozah in Department of Homeland Security, Navy, Army, Transportation Security Administration, State Department pawl thawn pehpar awmi Phone pawl ah TikTok app hmanglo dingin a kham a si.

ref:Forbes,TheVerge

Leave a Reply

Your email address will not be published. Required fields are marked *