Sweden company in Covid 19 Nathrik 98% Thattheitu Mouth Spray tuahsuak

Covid 19 in leitlunpi a nuai nak thla 6 a rei thlang ih coronavirus ruangih mithi khal a ni nii in an pung vivo. Leitlun ih suakdahkeel lomi nathrik a si ruangah a tidam theinakding sii khal an hmu thei hrih lo.

Mithiam pawl in cangthei tawkin nathrik kham danding zirnak an nei rero ih leitlun ram 120 luan in Coronavirus kham thei nakding sii hawl in an buaipi rero. Tufangah, leitlun ram 120 luan ih buaipi mi nathrik khamnak sii lak ihsin vaccine 21 pawl cu minung taksa parah test nak an nei rero lai.

Mithiam pawl in Coronavirus that thei danding khal an zir rero ih, tu ah, Sweden life science company Enzymatica cun an mai` company suah mi ColdZyme Mouth spray (kaa ih kaap cii) in minute 20 sungah kaa le hrok ih ummi Covid 19 suaktertu nathrik SARS-CoV-2 cu zaṭek 98.3% (1.76 log10) a that thei ti`n an phuang.

Enzymatica company cun, “ColdZyme Mouth spray in Covid – 19 suaktertu nathrik SARS-CoV-2 le kaa, hrok ih bacteria dang ummi pawl cu zaṭek 98.3% tluk in minute 20 sungah a that thei. Cuhleiah khawsik, luna, khuhkhuh tlaangraai khal a ti dam thei” tiin ca an suah.

ColdZyme Mouth spray ih hnaṭuandan cu American company Microbac Laboratories Inc in international testing methods hmangin test nak an nei mi a siih kaa, hrok ih um SARS-CoV-2 nathrik le bacteria dangdang ummi tamsawn cu minute 20 sungah a that thei ti`n Enzymatica company in a ti.

ref:IT,informalnewz

Leave a Reply

Your email address will not be published. Required fields are marked *