Ek-inn hnakih Let 7 tam in na Smartphone a baal sawn

Cokaa, ek-inn, cabuai, ihkhun le rawl ei phah tiang ih kan hman ṭheu mi Hand-phone cu Ek-inn hnak ih let 7 tam ih a bal zia, University of Arizona mifimthaim pawl in an hmusauk.

Tulai leitlun ram tinkim ih buaipi mi Covid – 19 ruangah kan kiangkap thianghlim zetih thianfai a ṭul zia le sanitizer lole tu le tu kut kholh nakih ṭhatzia kan zir suak.

Na zum hnakin na kut a bal

Asinan thianghlim takih kan tuahaw ṭheh veten kan cuh hmaisabik cu nathrik le bacteria pawl ih tualrawn a si mi Smartphone a siih kan harhdamnak hrangih ṭihnung zetmi thil pakhat a si.

“minung taksa ih nat lut olbiknak cu kan kaa, mit le hnarkua hi a si. Kan lengvak sukso nakih kan hman ringring mi bus, taxi, rawldawr menu, paisa tipawl cu mibur ih hman mi a siih natnak phunkim le bacteria ih khat mi a si.

Mipi hmantawm mi thilri par ah hmuhtheihlo nathrik a tam cuang

Cu pawl kan dai/thamnak kut thawn kan phone kan tham tikah mit hmuh theihlo natnak tam zet a rak kai. Cuih natnak ih khatmi smartphone cu taksa sungih nathrik lutolnakbik kan kaa le hnar kua kiang ah retin mi kan biak tikah kan taksa sung ah nathrik pawl cu an lut thluh” tiin hrahdamnak lamih fimthiam mi pakhat cun a sim.

Bal ih khatmi phone cu rettahrat in kut kan khawlh ih kan ṭheh veten phone kan hmang lala tikah kan kutkhawl cu san neilo vekah a cang ih hih natnak ih khat mi kan phone cu ziangtin kan thianfai pei?

1. Phone kan lei tikih a tel ṭheumi puan paate hmangin hnawtfai ringring aw.
2. Isopropyl rubbing alcohol hmangin hnawtfai ṭheu aw.
3. Tidai hmangin hnawt ṭheu aw.
4. Hnacoihnak patpar hmangaw.
5. Kuthruh bunin hmangaw.

Asinan kan theihṭulmi cu phone model kan hman mi a bangaw cio hai lo ih tidai ngam le ngamlo an um. Tulai smartphone suakthar tamsawn cun tidai an ngam nan Apple cun iPhone hmang pawl hnen ah a tii mi hmang ih kholh lo dingin forhfialnak a nei ih a model ih zir in thianfai daanding ca a suah.

Motorola khalin phone ih telcihmi microfiber puan paate ah tidai mal te ciar terih kholhfai dingin a customer pawl hnenah a sim ih Google khalin a ṭul ahcun nitin kan hmang ṭheu mi satpia hmang khal ih kholh dingin Google’s Pixel phone hmang pawl hnen ah thu a than.

Tidai ngamlo smartphone hmang pawl hrang ahcun Lysol cleaning product hmang hi a poi zum a um lo. Lysol company thehlarnak vek a si le an product hmang in smartphones, tablets le remote controls pawl kholh a theih ti a siih a tlun lam ih kan ngan mi vekin nathrik phunphun le bacteria pawl ih tualrawn a simi na smartphone na kholhfai a si le phone ih a kai theimi natnak lak ihsin na humhimaw thei ding.

Leave a Reply

Your email address will not be published. Required fields are marked *