ZirSang ThiamSang PDF mino an tam zar ah Electric umlonak khalah Phone Charging ah an buai ve lo

Tuṭum Dothlengnak ih thilthupi hmanrua pakhat cu mobile phone hi a si.

“Tuhlan, rampi a rak buai lai ah tu san vekin technology rak um ve seh la cu” ti`n 88 Dothlengnak ih telvetu ka pa le pawl in an rel ṭheu.

Ralhraang SAC ralkap do nakah caankhiah bomb kamnak khalah an hmang ṭangkai ih “khi lam ah ralkap cuzat an ra, Kha lam ah mawṭaw cuzat thawn an ra” ti`n ralkap cangvaihdan thuthannak khalah mobile phone kan hmang ṭangkai zet.

Asinan, cutlukih thilthupi hmual nei zetih hman theih ding cun a ti nungnak battery a rak ṭul.

Cutikah, hramlak meisa umlonak ih beutu kan mino pawl teh ziangtin phone an hmang thei ding ti`n khuasung um pawl don har in kan rak um ṭheu.

Nan, Dothlengnak ih teltu mino thiamsang kan nei tam tikah ziangtinkim hi tawreldan an rak thiam mei.

Tukhalah, PDF mino pawl cun Electric umlo nakih battery charging dan an pholang. Tidaitha hmangin phone an charging lai video tawi online ah an thlah ih “MAH in Leithuai Tlangleng ziangtin a tuah tum ti cu kan thei lo. Nan, hramlak ah tidaitha hmangin battery kan thun rero zo. Thiamsang PDF mino kan rak nei cu kan van a ṭha” tiah an tarlang.

Hinah video zoh …………

Video ih a langmi battery charge mi hi ziang cin tiang a lut thei ti cu an pholang lo nan mino pakhat cun “kan nih tla khatin kan tuah. Kan ṭul hai cin cu a rak lut ve thei” ti`n a hmuhtonmi a relsuak a si.

Leave a Reply

Your email address will not be published. Required fields are marked *