Zeyar Thaw hminpu raldonak ah ralhraang ralkap le Pyosawṭhi 7 an that

Zeyar Thaw hminpu raldonak “Operation Zayar Thaw” ah Magway mipi ralkap Young Revolution Front – YRF in ralhraang le Pyosawṭhi 7 an that thu, thuthang an suah.

Tuzing, July 26 zinglam khuavangpek ah Magway ramṭhen, Pauk myone, Tatkung khua ih Pyosawṭhi ralhraang sakhaan cu mipi ralkap ṭangrual pawl in an va siim ih doawknak ah ralhraang lam mithi an tam hlei ah hriam tuar tampi an um.

Zinglam nazi 5 ihsin 7 hrawng tiang mipi ralkap pawl an cangvai ih kahdonak ah ralhraang lam mithi 7 an um ti`n YRF cun thu a suah ih hriam tuar tampi an um tiah tarlang a si.

Doawknak ah ralhraang meithal 1, Uzi cerek 24, G3 cerek 3, 5.56 cerek 69, kutken bomb 1 le cerek dangdang pawl an lak sak ih ralhraang uniform telin phone le thil dang an lak sak mi bungrua pawl an pholang cih.

Doawknak ah mipi ralkap a si mi YDF Saw, SPGF, Yenangyaung PDF, PPC, Pauk PDF, CAF – SPU PDF le Young Revolution Fornt -YRF tipawl an tel ih mipi ralkap lam ah hriam tuar le khawngaw umloten dung an sip thei sal a si.

Leave a Reply

Your email address will not be published. Required fields are marked *