Zarhkhat a kim zo nan ဒေါက်တာမျိုးညွန့် an pehtlaih thei lo

Myanmar rampi cozah thuneihnak cuhtu ralkap pawl cun tolai cozah NLD party ih hotu Lu lam pawl cu February 1 ihsin hmun dangdang ah ṭhekdarh in a kharhkhum/kilkhawi hai.

Ralkap ih kilkhawimi NLD hruaitu Luban tamsawn cu February 1 ihsin tuisun ni tiang an sungkhat unau pawl in an pehtlaih thei hrihlo tiah theih a si ih an sungkhat unau pawl don har in an um a si.

Ralkap kilkhawituar lakih telve NLD party ṭuanvonei ဒေါက်တာမျိုးညွန့် ih nupi ဒေါ်ခင်အုန်းမြင့် cun “February 1 ih an ra kai hnu, tui`ni tiang kan pehtlaih thei lo. Kaihkhih a si hlan January 30 ah khan ka pasal ဒေါက်တာမျိုးညွန့် cu Siizungpi ah ruh lam a damlonak kan va zohter. Cumi result tla a suak zo ih a nat a luar vivo ti`n in sim” tiah BBC hnen ah a sim.

ဒေါ်ခင်အုန်းမြင့် cu a pasal ဒေါက်တာမျိုးညွန့် a pehtlaih theilo ruangah don har in a um. Siivai te tal va pek thei a beisei ih “an thlah lo khal le a poi lo. A tong tal in tongter sehla ka duh tawk” a ti.

Ralkap in rampi cozah thuneihnak a lak hnu ah tolai cozah hruitu tamzet a kai hai ih miṭhen cu a thlah sal hai zo. Asinan, NLD hruaitu Luban ṭhenkhat cu a thlah duhlo hlei ah sungkhat unau thawn pehtlaihaw theilo dingin a kharhkhum hai a si. (BBC)

Leave a Reply

Your email address will not be published. Required fields are marked *