Zahthlak zetmi Ministry of Home Affairs sung thu puut darh

SAC ralhraang kut thuai ih um Ministry of Home Affairs (ပြည်ထဲရေးဝန်ကြီးဌာန) sung thu a puut darh cu thinheng um tuk lam ah hnih lamlam a suak.

Zovekin rampi a uk khalah Ministry of Home Affairs cun atakin ramsung thubuai theitawk suah ih buaipiding a si nan, rampi ukhruai thuneihnak latu SAC ralhraang cun a kut hnuai ih um Ministry of Home Affairs ih nunau officer pawl cu khuazing hnen ah sunnihlawh thlacam lamlam an fial hai.

Cumi thu cu Ministry of Home Affairs ih hnaṭuan mipakhat hnen in a puut suak mi a siih ramsung rintlak media ṭhenkhat in an thehdarh sawng.

“Khuazing hnen ah hamṭhatnak an dilter ih Leitlun kilkip thluasuah an pe ter. Cumicu tuahlo ngahlo, tlunlam order rori a si.”

“Nitlaknak lam thluasuah pek ding a si le cumi lam hoih tengteng ṭul. Nisuahnak lam thlausuah pek a si khalle nisuahnak lam an hoiter. Cuihtlunah thlacam le thlausuah pek lai cu zuk terin tlunlam ah report pek tengteng ṭul” tiah Ministry of Home Affairs ih hnaṭuan mipakhat simmi cu ramsung media ṭhenkhat in an thehdarh sawng a si.

Leave a Reply

Your email address will not be published. Required fields are marked *