Zaan thim hnu khalah Ralkap le Palik an cangvai ih mi pakhat an kap that

Tanintharyi ramṭhen Dawei myo ih mipi thlacamnak an nei lai ah palik le ralkap in an kap ruangah mipakhat a thi.

Zaan nazi 8 ah Ralkap ukhruai dodalnak ih nunnak liam pawl hrang thlacamnak an nei lai ah cerekngai thawn a ṭang le zak karlak ah an kap ngahmi a siih cerekngai thawn hliamtuar pahnih le rubber cerek hliamtuar khal an um tiah theih a si.

Ahmun ih um ve tu mipakhat cun “ဗိုလ်ချုပ်လမ်း ah Dothlengnak ih nunnak liam pawl hrang thlacamnak kan nei lai ah ziin kan khammi pawl palik in an ṭhiatbal ruangah venghnih kom in bungbel darkheng kan tal ciamco.”

“Cuhnu ah palik in cerek ngai le rubber cerek thawn in kap ciamco. Nazi 9 hrawng ah Ke thum nei mawṭaw mawng kum 40 vuakvel mipakhat an kap ngah ih nazi 11 hrawngah a thi. Hliamhmatuar khal an tamzet” a ti.

Ralkap le palik pawl cun kiangkap ih dawr tawh pawl khal an bal ih dawr thil pawl an fir ciamco tiah a hmutu mipakhat in a rel.

Kawl ralkap le palik pawl hin tuisun March 11 ni ah mi 10 hnak ih tam an kapthat zo a si.
(YNL)

Leave a Reply

Your email address will not be published. Required fields are marked *