Yangon ramṭhen, Myone 31 pawl ah mipum 5 hnak ih tam pungkhawm khamnak ပုဒ်မ 144 an phuang

Yangon pengṭhen myone 31 pawl ah mipi pungkhawm ih tlangaunak siseh, Lamzawh le mibur cangvaihnak tuah lo dingin October 8 ah Yangon khuaukzung ihsin thu an suah ih mipum 5 hnak ih tam pungkhawm lo ding ti`n ပုဒ်မ 144 an phuang.

Yangon ih um mipi ṭhenkhat in khawtlang mipi hrang ṭih a nung mi cangvaihnak le daan pahbal ih cangvaihnak an nei hlei ah remdaihnak an hnaihnok ruangah tuvekin hmalaknak kan nei mi a si tiah SAC ralhraang cun thu a suah.

Thusuahmi ahcun Yangon siipin hmunram a si mi Seikkyi Kanaungto myone le Dala myone siar lo, a dang myone 31 pawl ah mipi pungkhawmnak, Lamzawhnak le buainak a suak thei mi cangvaihnak tvk pawl tuah lo dingin kan kham a si ti`n an ngan tel a si.

Cuihtlunah myone 31 pawl ahcun zaan nazi 10 ihsin zinglam nazi 4 tiang leng suakvaklo dingin thu an suah tel cih.

Leave a Reply

Your email address will not be published. Required fields are marked *