Yangon ramṭhen ih Mina thar 2 cu Music Zone Restaurant &KTV ih Hnaṭuan an si

Myanmar Harhdamnak le Lehpannak zung in 2020 September 3 zaan nazi 8:00 ah Covid-19 mina 53 hmuhsuah bet a si thu a phuang ih, cumi lakih minung 3 cu Yangon ramṭhen သင်္ဃန်းကျွန်းမြို့နယ် ih um mi an si.

An pathum lakih minung 2 cu သင်္ဃန်းကျွန်းမြို့နယ်, Music Zone Restaurant &KTV ih hnaṭuan an si tiah Duwun cun a tarlang.

“Tuzaan ih hmuh tharmi Covid 19 mina 3 sungih mi 2 cu Music Zone Restaurant &KTV ih hnaṭuan numi an si. Cangantu an si ti`n kan thei. An pahnih in Covid 19 mina case (761) thawn hnuaihnih awknak nei mi an si ruangah Quarantine lutter an siih tu ah natnak an nei mi an hmusuak.”

“Tuzaan rorin Music Zone cu kan phit (lock down) ding. Hih hmun ih hnaṭuan dang pawl cu tlun lam in, in fialdan vekin hmalaknak kan nei leh ding” tiah သင်္ကန်းကျွန်းမြို့နယ် hluttdaw palai U Nay Baung Lat in Duwun media hnen ah a sim.


Music Zone Restaurant &KTV cu သင်္ကန်းကျွန်းမြို့နယ်, သုမင်္ဂလာ ziinpi ih ong mi dawr a siih, hih hmun ih hnaṭuan, Covid 19 mina thar numi 2 cu Quarantine an lut nak hmun in siizung lam ah tuamhlawmnak nei dingin an kuat leh tum. Atang mi Covid 19 mina pakhat cu a thuhla an ziangzo rero lai tiah Duwun cun a tarlang.

Tu dinhmun ah Myanmar ramsung ah Covid 19 mina 1,111 an um zo ih cu pawl lak ihsin mi 6 thi in mipum 359 an dam sal a si.

Leave a Reply

Your email address will not be published. Required fields are marked *