Yangon ramṭhen, Hlaing Tharyar myo ah Martial Law an phuang

March 14 ih Myanmar rampi huap buainak sosangbiknak Yangon ramṭhen Hlaing Tharyar myo cu zaan thim hnu ihsin thok kawl ralkap cozah in Martial Law an phuang tiah theih a si.

MRTV khalin thuthang a phuang mi ah a sim tel ih ca thawn an suahmi khal online ah hmuh ding a tamzet.

“Rampi ukhruaitu ralkap cozah cun Yangon ramṭhen, Hlaing Tharyar myo ah remdaihnak um thei dingin Yangon ralkap zungpi hnen ah thuneihnak Martial Law hmang theih dingin siannak a pek zo”.

“Ramṭhen ralkap zungbawi in khuasung ih boruak umdan ih zir in amah rori khalin siseh, ralbawi dang fial in khal siseh Martial Law a hmang thei a si” ti`n ralkap cozah cun ca an suah.

Tuisun, Hlaing Tharyar myo ih duhphorhnak neitu mipi pawl cu ralkap le palik in nasatakin an nuai ih khuathim hrawng tiangah media pawl ih nemhnget zomi mithi amalbik 11 an um zo a si.

Update : Shwepyithar myone khalah Martial Law an phuang tiah theih a si.

Leave a Reply

Your email address will not be published. Required fields are marked *