Yangon, NLD zung hmai ih Bomb an kam/puah lai CCTV ah a lang

Minzaan, June 16 zaan nazi 8 hrawngah Bahan Township, NLD zung hmai ih bomb an puah lai cu CCTV ah a lang.

Bomb puahtu cu Lukhuh le bawngbi tawi a hruk ih NLD zung hmai meisa ceet kiangah bomb a kam.

Bomb kam lai le a puak kuai lai cu CCTV ah a lang thluh ih bomb a kam hnu minute 1 kim hlan ah a puak kuai.

Bomb an puah mi hi bomb picang cu a banglo. A puak dan a diim hlei ah khawngaw le hriam tuar khal an um lo tiah theih a si.

SAC ralhraang in Kawlram cozah ukhruai thuneihnak an la hnu, February 1 ihsin June thla tiangah rampihuap mipi umnak khuasung ih bomb puak hi voi 300 hnak ih tam a si.

Mizaan, Bahan Township ih bomb puahmi siar telin rampihuap khuasung hmun hranhran ih bomb puak tamsawn cu a puah tu an thei lo.

Leave a Reply

Your email address will not be published. Required fields are marked *