Yangon mino pawl Lamzawh lai ah ralhraang ralkap in Mawṭaw thawn pah hrim

Yangon ramṭhen, Hlaing myone ah mino pawl lamzawh duhphorhnak an nei lai cu ralhraang ralkap pawl in thazaang hmangin an ṭhenṭhek.

Tuni, July 7 Zaanlam nazi 3 hrawngah a si ih, ruahsur lak ih lamzawhtu mino pawl cu mawṭaw pangai thawn an pah hrim.

Mawṭawrang number YGN 7J 5050 thawn lamzawhtu mino pakhat pet ko an pah ih lamzawhtu mino zaten an ṭhen ṭhekaw thluh.

Ralhraang kaih phangah maṭaw pah tuar mino khal cu Ke na cingten a tlan ciamco ih, ralhraang kut ihsin a luat nan mawṭaw pah nak ah hriam malte a tuar.

Lamzawh mino pawl an ṭhek darh fangah ralhraang ralkap mawṭaw pangai pakhat a thleng ih meithal khal an hmet puak tiah kiangkap ih rak um pawl in an rel.

Cuhnu ah mawṭaw 4 a thleng bet ih buainak kiangkap ih CCTV pawl cu ralhraang ralkap in an ceek ciamco tiah theih a si.

Tuhlan khalah Yangon khawlaili ah Lamzawh laifang ralhraang ralkap in mawṭaw thawn an pah dah zo ih cuih ṭum ah mithi khal um in hriam tuar khal an um.

Leave a Reply

Your email address will not be published. Required fields are marked *