Yangon khawlipi ah SAC ralhraang 100 hrawng le PDF sungtel 7 an kap aw

Yangon nitlaknak lam ih um Kyeemyindaing myone ih Free Tiger Ranger PDF umnak cu SAC ralhraang thazaang 100 hrawngin an siim ih kahawknak a suak hnu ah PDF ralkap pakhat thi in, mi 6 nungdamin an kai.

“Rinlopin hmun 2 rorin siim kan tuar ih PDF ralkap pakhat a thi. Nunau 2 le mipa 4 an kai ih kan ralkap 4 cu an tlansuak man” tiah FTR hruaitu pakhat cun a rel.

March 26, zaanlam khawthimzik hrawngih thil cang a si ih thu phunphun ruangah Free Tiger Ranger in tuni April 3 lawngah mipi an sim thei ih “tuṭum hi hmasabik siim kan tuar mi a si. Khawdang/vengdang ih kan rualpi pawl cu an him ko” tiah an tarlang.

FTR siim an tuar thuthawn pehparin tualsungum mipakhat in “Ralkap le palik lakah pangai hnipuan hruhtu khal an um. An luhcilh hlan ah meithal thawn an kapaw hmasa.”

“A siimtu hi ralkap, palik le mawṭaw pangai thawn an ra ih thazaang 100 hrawng an si ding. cuhnakin an tam khal a si thei. Mawṭaw thawn lamziin an phit thluh ih an cangvai” tiah a ti. (YSF)

Leave a Reply

Your email address will not be published. Required fields are marked *