Yangon ih GTB Bank an luhcilh lai video a puut darh

Tuini, August 30, zinglam nazi 11 hrawng ih Yangon, Manyankung GTB bank an luhcilh lai tiih tarlang mi CCTV zuk ngah mi video cu online ah a puut darh.

CCTV ih zuk mi Computer thawn an zoh lai an zuk sawng bet mi a si ih a zohtu pawl cu bank luhcilh tu pawl in paisa an lak lai le bank hnaṭuan pawl umdan zoh in an hni phah rero.

SAC ralhraang lamṭang media pawl ih ngan mi vek a si le meithal keng bank luhcilhtu hi mi 4 an si ih kyat ting thawng luan an la hnu ah mawṭaw/mawṭawcycle thawn an tlan cih ti a si.

“Bank an luhcilh mi cu thu dik a si ko. Bank kiangkap veng pawl ah palik le ralkap pawl mi hawl nei vekin an cangvai nasa” tiah kaingkap naivai mipi pawl ih simsawng mi cu ramsung media ṭhenkhat in an tarlang.

Global Treasure Bank (ကမ္ဘာ့ရတနာဘဏ်)cu Ministry of Livestock, Fisheries and Rural Development kut thuai ih um cozah bank a si ih, tui ni ih an luhcilh mi cu Yangon, Mayangon Township ih GTB bank ṭhen pakhat a si.

Leave a Reply

Your email address will not be published. Required fields are marked *