Yangon bomb puak boruak ih kaihkhihmi an thlah sal cu mipi mangbang zet

May 31, Yangon bus hngahnak bomb puak ah mipakhat a thi ih, mithi cu bomb puahtu a si ti`n le PDF ralkap a si ti`n ralhraang ralkap in thuthang an suah.

Yangon, Dawbon myone ih um mithi tui` unau le anu cu June 1 zaanlam nazi 4 hrawngah ralkap le palik tamzet in an umnak inn ah an kai nan, zaan nazi 10 hrawngah an thlah sal tiah khawmi pawl in LNK media hnen ah an sim.

Cumicun mipi a ti mangbang zetih bomb puahtu tivek sim lo, PDF tiih rinhlehmi an hawl tik ih, an hmulo men hman ah an sungkhat unau kum kim hrih lo tivek tiang an kai ṭheu nan, ti`n tualsungum mipakhat cun a rel.

“A phone ah bomb puah dingih biakawknak cakuat tivek tiang a um ti`n an phuang ih PDF a si ti`n thuthang an suah. A sungkhat naivai an kai lawk nan an thlah sal dan ah thuhladang a um ding zum a um deuh” tiah amahcun a ti.

Vanduainak tongtu innsang tei` sungkhat naivai pawl in thu phunphun ruangah ralkap kutsung ihsin an luat sal dan le an thlah sal nak san thufiang an rel ngam loih vengsungum pawl khalin thuhla cipciar an sut ngam hrih lo.

Ralhraang lam khalin PDF a si tiih thu an suah hnu thudang zianghman an suah bet hrih lo.

Bomb puak ih mithi hi kum 25mi a si ih tuni sun nazi 12 ah an mah kawl daan vekin ruakvuinak caan an hmang tiah theih a si.

***Zuk hlun

Leave a Reply

Your email address will not be published. Required fields are marked *