Way Moe Naing kaihkhih a si veten Sweden Embassy in theihternak Capi an suah cih

April 15 sun lai ah SAC ralkap in Monywa mipi hruaitu Way Moe Naing an kai thu ah Yangon ih Sweden Embassy in fumfe zetin an dinhmun a rak thlir ringring thu a tarlang.

Way Moe Naing cu Monywa khua ih ralkap ukhruai dodalnak ih mipi hruaitu pakhat a si ih rampumhuap ih hminthang milangsar a si.

April 15 sun ih motor cycle thawn lamzawh duhphorhnak an nei lai ah SAC ralkap in motor thawn an pah ih kut an thlak hnu ah an kai bet.

An kai lai rak hmutu mipakhat cun “motorcycle thawn lamzawhnak an nei lai cu an hmailam in ralkap motor silomi motor pangai pakhat in a rak pah. Cunah, kut an thlak bet ih midang khal an kai cih. Nan, an bat bikmi cu Ko Way Moe Naing
a si. Motor thawn an pah tluk veten a tlan cih nan an dawi ih an kai ngah” a ti.

SAC ralkap in rampi thuneihnak an la hnu, an mah dodaltu hruaitu hmuahhmuah cu kaihkhih tum in an hawl ringring. Hruaitu tamsawn cu pukmah 505 orh terin thubuai a tuah sak hai ih cumi lakah Way Moe Naing khal a tel ve.

Way Moe Naing kaihkhih tuar thuthawn pehpar in Sweden Embassy cun “Monywa lamzawh duhphorhnak ih mipi hruaitu Way Moe Naing cu tuisun ah kaihkhih a tuar ti thu kan thei. An kai lai fang ih video an zuk mi ahcun an hmailam ihsin motor pakhat in a rak pah hai si in a lang. Amah thawn an kai tlangmi hmuahhmuah cu an ṭul sam mi tuamhlawmnak le an pianvo upatnak thawn ṭha zetin zoh khen dingah kan lo dil. Way Moe Naing tei` dinhmun le boruak cu mitṭhep loin kan cuan ringring a si” tiah an tarlang.

SAC ralkap cun an mah dodaltu an kai ngahmi tamsawn cu nazetin an hrem ih nunnak liam khal an um tiah theih a si.

Leave a Reply

Your email address will not be published. Required fields are marked *