Vote thlak kuang him dingih hren nak Hri a cat nan …..

Naypyidaw : Zeya Thiri Township, Anawrahta veng vote thlak zung ih vote thlak kuang pakhat cu him ding ih an hren nak hri a cat tiah Myone Election Commission chairman in a rel.

Myanmar rampi hrilawnak hrang ih Vote rak thlak cia tu pawl ih vote thlak nak kuang pakhat, hren nak hri a cat mi cu November 4 zing ah an hmusuak ih zung ih ṭuanvoneitu pawl cun Myone election commission hnen ah thuthannak an nei lohli.

Cuih vote thlak zung cu ralkap zung hmunram sungih um mi a si ih, hih thu thawn pehpar in Myone election commission chairman U Maung Maung cun, “mi ih chat hrim mi a si lo. Kan hreng nak hri a ṭha tawk lo sawn mi a si thei. Culokhalle vote an thlak nak caphek tamtuk ih an ben ciamco mi cun neta hnu ah a ti cat leh sawn mi a si thei ti’n kan hmu” a ti.

Zeya Thiri Township, NLD hluttdaw palai dinhmun in tukum rampi hrilawnak ih telvetumtu ဒေါက်တာမိုးဆွေ khal in “Myone election commission ih thuthluknak tuah mi kan pompi ve. Curuangah hih thu thawn pehpar in sim rel hran ding dang a um lo” a ti.

Vote thlak kuang him ding ih hren nak hridai cat zik te mi vote thlak kuang dang pakhat khal a um ih cu pawl cu vote thlak zung ih palai, Myone Election Commission le ralkap ṭuanvonei pawl hmuhhngan rori ah an phit thluh sal ih tape thawn an tuam tiah Myanmar Now in a ngan.

Leave a Reply

Your email address will not be published. Required fields are marked *