Voi 67 naam dawtnak ruangih thi, Fala Unau hnihte Thattu siding zumummi an kaai

Myanmar : Sagaing ramṭhen Indaw khua ih fala unau hnihte thattu siding zumum, mi pakhat an kaai ih zingzoinak an nei rero lai thu theih a si.

Mithitu, fala unau hnih cu kum 14 le kum 17 mi an siih a thattu siding zumum, mi pakhat cu palik pawl in an kaai ih zingzoinak an nei rero lai tiah Indaw khua hluatdaw U Than Win in a sim.

Amah cun, “himi thuhla ah zo bik ih sualtuahmi a si ti kan thei hrihlo. Zumummi mipakhat cu kan kai ih zingzoinak kan nei rero lai. Fala unau hnihte cu naamdawthmaa tamzet thawn an thi. Zoi` thatmi a si ti kan thei ciang hrihlo ruangah that an tuar naksan khal kan thei hrih lo” tiin a sim.

Unau hnihte cu innteeknu hramlak a feh sung ah an that mi a siih kum 14 mi, nautasawn cu a taksa ah naamte dawtnak hrimhma 38 le upasawn taksa ah naamte dawtnak hriamhma 29 a um. That an tuar hnu ah an ruang pawl cu hrambur ah an hlawn a si tiin Duwun media cun a tar.

Hih thuhla cu mithat daan (302) orhterin ကသာခရိုင် palik in zingzoinak a nei rero lai a si.

ref:Duwun

Leave a Reply

Your email address will not be published. Required fields are marked *