US cozah in Myanmar ramsung lut lo dingin a rammi level 4 ralrinnak a pe

Covid -19 boruak ruangah le Myanmar ramsung buainak ruangah US Ministry of Foreign Affairs cun a rammi pawl Myanmar ah tlawng lo dingin thuthannak a nei.

Nunnak hrang tiang ṭih a nung mi hmunram pawl ah tlawng lo dingin a rammi pawl cu a sang bik mi “level 4” ralrinnak a pe.

Ralrinpeknak ahcun Kawl ralkap pawl in mipi hriltlinmi Myanmar cozah ṭuanvonei pawl a kaihkhih thu, ralkap ukhruainak dodal in rampumhuap ah mipi in duhphorhnak an nei thu, buainak a um pehzom ding zum a um thu, hriamhrei keng ralhraang pawl ih kut an tuar pang thei thu tvp a tel.

US cozah in ralrin ṭul cuangnak hmunram a timi pawl cu Chin ramkulh sung in Paletwa le Matupi, Kachin ramkulh ah Bhamo (ဗန်းမော်), Mogaung (မိုးကောင်း), Hpakan (ဖားကန့်),Mansi (မံစီ), Momauk (မိုးမောက်), Sumprabum (ဆွမ်ပရာဘွမ်), Danai (တနိုင်း) le Waimaw ( ဝိုင်းမော်မြို့နယ် ), Shan ramkulh ah Hopang (ဟိုပုန်), သိန္, Hsipaw (သီပေါ), Kyaukme (ကျောက်မဲ), Mong Kung Township (မိုင်းကိုင်မြို့နယ်), Namhsan (နမ့်ဆန်), Namtu (နမ်မတူ), Namhkan (နမ့်ခမ်း), Muse (မူဆယ်), Konkyan (ကုန်းကြမ်း), Kutkai (ကွတ်ခိုင်), Laukkai (လောက်ကိုင်မြို့), Matman (မက်မန်း), Mongmao (မိုင်းမော), နားဖန်, Panghsang (ပၢင်သၢင်း), Panghsang (ပၢင်သၢင်း),ပန်ဝိုင်းမြို့နယ်, ကယားပြည်နယ် ah ရှားတောမြို့နယ် , ကရင်ပြည်နယ် ah ဖာပွန်မြို့နယ် tipawl an si.

Abikin Myanmar ralkap, Tlangpar hriamhrei keng pawlkom le Mipi kapawknak ruangah saklam Shan ram, Kachin, Rakhine, Chinram hmunṭhenkhat le saklam Sagaing ramṭhen ih Naga ukhruainak ram pawl ah remdaihnak a mal ih cuih hmun pawl ah hriamhrei hmang ih suamnak tong pang a theih tikhalin thuthannak an nei.

Kahawknak le buainak a sosang cuangnak saklam Shanram, Kachin, Rakhine, Chinram pawl ah Leiphum bomb le a puak kuai hrih lomi bomb hriamhrei a um thei ih ramdang khualtlawng ṭhenkhat khal hliamtuar an um zo tiah US cozah cun a rammi pawl ralrinnak a pe.

Rakhine, Chin, Kachin, Kayah, Kayin, Sagaing le Shan ramkulh/ramṭhen ih khua ṭhenkhat ah kawl ralkap le hriamhrei keng pawl karlakah kahawknak a suak bet thei tikhalin ralrinpeknak an suah a si. (RFA)

Leave a Reply

Your email address will not be published. Required fields are marked *