US Cozah in Min Aung Hlaing le ho kutthlak thei danding tawlrel – Dr. Rodinga

US cozah (President; Secretary of State; Secretary of defense) in Sr. Gen. Min Aung Hlaing le ralkap pawl hremthei/kutthlakthei danding a tawlrel tiah theih a si.

Hmalaknak nei thei danding tawlrelnak (Resolution) cu Senator Ben Carding (Maryland State) le Senator Todd Young (Indiana State) in USA Congress (Parliament) ah rorelnak nei dingin an tawlrel tiah theih a si ih USA Senate “Foreign Relation Committee” ah Agenda thehlut zang an tum a si.

Senate Foreign Relation Committee ah hin Democrat 11, Republican 11 ti`n Senator 22 an tel ih, cumi ah US Senator miropi Ted Cruz; Rand Paul; Romney; Marcos Rubio; Tim Kaine tvk pawl khal an tel a si.

Senate Foreign Relation Committee in Resolution an pass a si le (an pass ding zum a um) US Senate Session ah an phurlut bet dingih Senator 100 in rorelnak an nei bet ding. (Senate khal ah an pass tengteng ding tiah zumnak a um)

Indiana State Senator Todd Young hi ka telnak BACI (Burmese American Community Institute) ah a ra ṭheu ih atu Resolution an thehlut dingmi thuthawn pehpar in Burma politic leh ramsung thuthang thar pawl cu BACI hnen ah a ra lak ṭheu a si.

U.S. Senate Bill on Burma “Resolution”
U.S. Senate Bill on Burma “Resolution”
U.S. Senate Bill on Burma “Resolution”
U.S. Senate Bill on Burma “Resolution”

Leave a Reply

Your email address will not be published. Required fields are marked *