Urkang That mi Kabia Saya hrangah PDF in Phuba an La

Monywa khua ih Kabia saya U SeinWin Urkang thattu Aung Ko Lat cu August 8 ah that fel a si zo thu, Monywa PDF le pawlkom dangdang thawn hnaṭuantlangtu ကိုသံမဏိ in Myanmar Now hnen ah a sim.

Aung Ko Lat that dingin an va feh cu a kiang ih um a rualpa in naamte thawn a rak dawt tum hai ruangah tumlo cingin a rualpa tla kan that lawlaw tiah ကိုသံမဏိ cun a rel ih Kabia saya U SeinWin hrang phuba kan lak mi a si a ti.

“U SeinWin thattu lawng kan bat nan mipakhat in naamte thawn in rak nam ruangah tumlo zetin an pahnih ten kan thianfai lawlaw” tiah ကိုသံမဏိ tiih hmin peaw mino hruaitu cun a sim.

Kum 60 mi Kabia Saya U SeinWin cu May 14 ah ceetzung ih hnaṭuan a rualpa thawn an biakaw lai ah Aung Ko Lat in datsii thawn a tawih ih a urkang that.

A that nak san le fialtu a nei le neilo tivek theih man hlan ah amah Aung Ko Lat cu hlophir in a tlan ih, thla 2 hnu ah သံမဏိ le Monywa Hero pawlkom in a relhnak Sarlin peng ah an va that.

ကိုသံမဏိ cun “himi cangvaihnak cu U SeinWin te innsang thawn pehawknak ziang hman a nei lo. Zohman ih fialmi khal a si lo. Aṭul kan ti ruangah kan mah ten kan cangvaimi a si” a ti.

U SeinWin cu 88 dothlengnak ah cangvainak rak nei nasa zotu a si ih, Kum 1990 hrilawk ṭum khalah NLD hrangah hmainor in cangvainak rak neitu a si.

Tuṭum dothlengnak khalah lamzawhnak in siseh Gen Z thapeknak thawn thatho zetin pum a pe aw.

Penghuap le khuapi ṭhangso dingin teimak suah ringringtu a si ih a thih hlan khalah Chindwin nitlaknak lam ih tidai harsanak khua pawl hrangah tidai thiang ngah thei dingin a tawlrel sak tiah theih a si.

Leave a Reply

Your email address will not be published. Required fields are marked *