UDP Chairman kaih khih nak ih tel tu in Thuhla Cipciar Rel

Rose party tiih theih lar United Democratic Party (UDP) dintu le Chairman si cih mi U Kyaw Myint cu Thawngtlak tlan thubuai thawn September 29 zaan ah kaihkhih a si thu Myanmar President zung ih ṭuanvonei U Zaw Htay in a phuang.

Myanmar President zung in U Kyaw Myint thuhla zingzoinak kan nei tiih thuthannak a neih hnu, September 29 zaan ah ṭuanvonei mipum 50 hrawng tel mi motor 7 hrawng thawn a um nak inn ah pan ih kaihkhih mi a si.

Hih thuthawn pehpar in kaihkhihnak ih va telve Pan Hlaing Housing Estate admin Kyaw Myint cun “township police chief hnen in phone call ka dong ih Pan Hlaing Estate luh nak in ka hngak hai. U Kyaw Myint um nak Pan Hlaing Estate admin ka si vekin kei mah tel a ṭul ih Yangon palik bawi le ṭuanvonei zaten kan va pan ih nazi khuai hnu hrawng ah inn sung in a ra suak.”

“U Kyaw Myint in nan rat mi hi ka thei thiam ih ka co hlang ko. Asinan kei mah lam ih simfiahawnak tla in ngai sak ve hram uh a ti ih a duh mi a ṭong hnu ah, thu sut ding mal lai a um ruangah si tiin kan hruai cih. Motor 7 hrawng le minung 40-50 hrawng kan si” a ti.

U Kyw Myint cu 1999 kum ih thawngtlak tlan a si timi pukma 224 thawn hek mi a si ruangah tuvek in an kai mi a siih a thuhla zingzoi pehzom vivo in Cozah lam in hmalaknak kan nei ding ti`n Myanmar President zung ih ṭuanvonei U Zaw Htay in media hnen ah a sim fiang.

Tu ah, kum 2020, November thla ih tuah ding mi rampi hrilawnak ah palai 1143 thawn zuam tum tu UDP party Chairman kaihkhih a si ruang ah a hruai mi UDP party cu ziangtin hmailam ah ke an kar ding, hrilawknak in hnukdawk aw saal an tum maw tvk theih cian a si lo ih rampi cozah lam awaan ngai in a party pawl khuaruah har in an um a si.

Hram:Duwun

Leave a Reply

Your email address will not be published. Required fields are marked *