U.S. Embassy in Kawlram ih hmun ṭihnungbik 6 pholang

“U.S. Embassy in Burma” cun Kawlram ih um a mi le sa pawl him thei nak ding hrangah Kawlram sungih hmun ṭihnungbik tiih ruahmi hmunhma le Lamziin pawl a pholang.

Cumicu, February 28 ah Kawlram ih um a rammi pawl ralrinpek in theihternak a neimi a si ih ramsung dinhmun cu ṭihnung tuklo (Low-Risk Area), ṭihnung nawn (Medium-Risk Area), ṭihnung lawlaw (High-Risk Area) ti`n 3 ah an ṭhen.

Hmun himlo tiih ruahmi khua le ziinpi pawl cu thla teel in zirzoinak an nei hnu ah nemhngetnak nei in Myanmar ih um US rammi pawl simthannak an nei mi a si ih cuih hmunhimlo cu a sangsangten tanglam ah kan tarlang a si.

Low-Risk Area (Lamziin)
Yangon, Parami ziinpi ihsi saklamtluan, Pyay ziinpi ihsi dunglamtluan, Kabar Aye Pagoda ihsi hmailamtluan le Central ziinpi kiangkap, Halpin, Kan Yeik Thar le Nat Mauk ihsi thlanglamtluan hrawng …..

Medium-Risk Area
Yangon pumpihuap …….

High-Risk Area
Hmunṭihnungbik cu Martial Law an phuangnak “Hlaing Thar Yar, North Dagon, South Dagon, Shwe Pyi Thar, Dagon Seikkan le North Okkalapa pawl an si.

**U.S. Embassy ih hnaṭuan zate`n zunglam siannak tel loin hih hmun pawl ah feh lo dingin U.S. Embassy in thuron a pe.

Tuhrawng bomb puak thawm theih ding a tam ruangah U.S. Embassy cun hitiih hmalaknak a nei hi a si.

Cuihtlunah SAC ralhraang cun duhcaan ih mi phone le Laptops check sak an hmang ruangah U.S. Embassy cun a rammi hnen ah lengsuak tikih phone le laptops ken tik khalah fimkhurten um dingin thuthannak a nei.

Khualtlawng sukso hrang khalah a sang bik ralrinpeknak (Travel Advisory Levels 4) nei in Myanmar ramsung lutlo dingin le ramsung um pawl khal remcang veten Kawlram suahsan lohli dingin U.S. Embassy in thuthannak a nei a si.

Leave a Reply

Your email address will not be published. Required fields are marked *