Tuizing Vanzam tlakmi ah SAC ralhraang bawibik sangtu Soe Win tel thei

June 10, Pyin Oo Lwin sakhaan kiangih ralhraang vanzam tlakmi ah a totu mipum 16 an um tiah theih a si ih, cumi ah mipum 14 hmin cazin lawng suakin mipahnih cazin a hlo tiah Naypyitaw naivai, Thlipar pehtlaihnakzung ih ralbawi pakhat simmi cu Kachin Multimedia in a tarlang.

Tuizing vanzam tlakmi ah SAC ralhraang bawibik sangtu Vice-Senior General Soe Win khal a tel thei tiah Naypyitaw naivai ralbawi cun a sim nan Kachin Multimedia cun nemhngetnak kan nei thei lo tiah an tarlang.

Minung 14 tomi ralhraang vanzam tlakmi ah 12 thi in mi pahnih nungdam an um tiah theih a si.

Vanzam tlak thu SAC ralhraang in tarlang

Vanzam par hnaṭuantu telin Phungki, mibawmtu le rakap 14 (zatekom) tomi vanzam cu Pyin Oo Lwin sakhaan kiangah June 10, zinglam nazi 8 hrawngah a tlak tiah SAC ralhraang in thu an suah.

Zinglam nazi 7 hrawngin Naypyitaw ihsin zamsuakmi ralkap vanzam ah hnaṭuantu 6, phungki le mibawmtu 8 an tel ih, Pyin Oo Lwin sakhaan kiangih a ṭumtum fangah biakpawh theih nawn loin a tlak mi a si tiah SAC ralhraang cun thu an suah.

Vanzam tlak thu thawn pehpar in cipciar in thusuahnak an nei lo ih, minung 14 lak in nauhak pakhat le ralkap pakhat an nungdam tiah SAC ralhraang in thu an suah a si.

Leave a Reply

Your email address will not be published. Required fields are marked *