Tlawngta Hriamkaibu in SAC ralhraang 2 kap that

Burmese Students Organization timi hmin thawn Dothlengnak ih teltu hriamkaibu cun tuizing November 29 ah ralhraang 2 an kap that tiah theih a si.

“Tuizing, November 27 zinglam nazi 7:45 ah Tamu myo, Chaungnetgyi palikbuuk kan kap ih ralhraang 2 an thi. Meithal 2 le cerek ṭhenkhat kan lak sak hnu ah hlawhtlingten kan siip saal thei” ti`n BSO in thu a suah.

Ralhraang vakaptu hi ziangzat an si ti cu tarlang a si lo ih, a cangvaitu cu BSO – Tamu, tatyin 1, tatkhuai 3 ih ralkap pawl an si tiah theih a si.

Burmese Students Organization cu Tamu peng ah an cangvai tam bikih, kan dung November 22 khalah Tamu La-Wa-Ka zung kiang palikbuuk an urkaang thu an rak phuang zo.

Cuih ṭum ah “Kan nih cun tuini ihsin thok SAC ralhraang, Dalan le Dothlengnak hnaihnoktu hmuahhmuah kan do thlang ding. Curuangah mipi lam khal, kan vak sukso nakah ralring fimkhurten um tum uh si” tiah thuthannak ah an ngan tel a si.

Leave a Reply

Your email address will not be published. Required fields are marked *