Titoihpuai an hmang lai ah rinlopin Kahawknak a suak

Kachin ramkulh, Myitkyina ah lamzawh phahin Titoihpuai an hmang lai ah rinlopin kahawknak a suak.

SAC ralhraang tawlrelnak thawn April 15 ah Lehpannak hmunpi kiangah Lamtluan feh phah Titoihpuai an hmang ih, nuam an ceen lai ah rinlopin meithal an hmet puak.

“Titoihpuai hmangtu pawl mawṭaw pakhat thawn an ra kap. A kaptu hi zo an si ti an thei lo. Mithi le hriam tuar an um le umlo khal theih a si lo” tiah a hmutu mipakhat in 74 media hnen ah a sim.

“Zaanlam nazi 5 hrawng ih kahawknak” tiih tarlangmi video tawi pakhat cu online ah thlah darh a si ih video ah thinphang zetih an tlan ciamco lai a lang.

Myitkyina ah Ralhraang tawlrelmi Titoihpuai an hmang nan Hpakan, Bhamo myo tipawl telin Kachin ramkulh Khua tamsawn cu a ṭhing riapriap a si.

Leave a Reply

Your email address will not be published. Required fields are marked *