Ralring : Myanmar telin Asia ram pawl ah Ralhraang thihcilh bombpuahnak a suak thei

Myanmar telin Southeast Asia ram pawl ah thihcilh bomb puahnak a suak thei tiah Japan Foreign Ministry zung in September 13 ah thu a suah.

Myanmar, Thailand, Indonesia, Philippine, Singapore le Malaysia ram ih um Japan ram mi pawl hrang ah a hranten tlangthannak an nei ih “Biaknak lam pumkhawmnak le mibur umkhawmnak pawl ah thihcilh bomb puahnak a suak thei ti`n thuthang kan dong” tiah ralrin peknak ah an suah tel cih.

Cuhleiah cuih hmun ih umtu Japan ram mi pawl cu nitlaknaklam ram pawl ih neih mi dawr,zung,museum tvk ah feh lo dingin thuthannak an nei a si.

Cuih ram pawl thawn ralawtu sihran si` loin rampi cozah pakhat in hitiih ralrinpeknak rinlopin an suah cu ram neitu cozah pawl an mangbang thluh.

Japan Foreign Ministry cun thuthang an dongnak hram an rel duh lo nan rintlak media ṭhenkhat cun tubai ih Indonesia ram ih Jemaah Islamiah (JI) ralhraang member mipum 123 an kaihmi hnungzul in ralhraang an cangvai thei ruangah a si tiah thu an suah.

Densus 88 tiih theih lar Indonesia elite anti-terror police unit cun kan dung thlakhat sungah Southeast Asian terrorist network Jemaah Islamiah (JI) member 123 an kai.

Cuihtlunah ISIS ralhraang pehtlaihtu Jamaah Ansharut Daulah (JAD) ralhraang member ṭhenkhat cu ramkulh 10 lenglo ah an kaingah bet tiah theih a si.

Leave a Reply

Your email address will not be published. Required fields are marked *