Thuwanna bualrawl ah Covid 19 mina 200 tlem Siizungpi an Sak

Covid 19 suarhnihnak in Myanmar rampi a nuai thok ih mina a ni nii in an karh vivo ruangah, Yangon, Thingangyun Township ih Thuwanna tuahcawp hramhring bualrawl pahnih cu Covid 19 mina tuamhlawm nakding siizungpi ah hmang lawk tum in timlamnak an nei.

Temporary siizungpi cu minung 200 tlem dingin tawlrel a siih a tuahman cemliam hmauhhmuah cu Irrawaddy Foundation in a hlu tiah ramsung media in an tarlang.

Hih thuthawn pehpar in Irrawaddy Foundation hotu Pu Zaw Zaw cun “Covid 19 suar hnihnak dokham cangvaihnak nei dingin rampi Harhdamnak le Lehpannak zung thawn kan ronaw ih Thuwanna hramhring bualrawl cu Quarantine Center hrangah hmanglawk dingin kanlungkim.”

“Bualrawn neitu Myanmar Football Federation khalin siang zetin in hmangter. Tu ah, minung 200 tlem mi temporary siizungpi cu ni 5 sungah á¹­hehsuak dingin kan sak rero ih minung 400 tlem dingin kan kauhbet leh tum”

“Rampi Harhdamnak le Lehpannak zung in rem a ti dan in a hmang dingih Covid 19 mina le enkoltu pawl ih ei le in cemliam hmuahhmuah cu Irrawaddy Foundation in a kuan thluh ding” tiah a mai Facebook cahmai ah a tarlang.

Hih hmun cu Covid 19 mina besia tuklo retnak “Quarantine Center” ah hmang lawk a si dingih mina tuamhlawmnak Sii le Vaai man cu rampi Harhdamnak le Lehpannak zung in a tum thluh ding tiah Eleven media in a tarlang.

zuk:Duwun

Leave a Reply

Your email address will not be published. Required fields are marked *