Thli huuk Thing kiak in raltlan pakhat a tla that

Tuni, May 17 sun nazi 2 hrawngah, Kalay peng, Natchaung raltlan umnak ah Thli a huuk ih Thinghnge tumpi in kum 14 mi nunau pakhat a nen that.

Umhmun an khuarnak buuk dung ah Thingrul a um ih Thlihrang in a ti kiak mi thinghnge tumpi cu an beunak buuk par ah a tla ti`n a hmun ih um mibawm hnaṭuantu mipakhat in a rel.

“Raltlan buuk ah um lai an si nan, a kiak mi Thinghnge a tum tuk. Buuk sung um an unau hnih in a tla ngah nan pakhat sawn cu a nunnak hrang tiang phan sak a um lo.”

“Kum 14 mi မယုလှိုင်သင်း cu a besia zetih mina tuamhlawmnak kan nei ṭha lo ruangah a nunnak kan run thei lo” ti`n amahcun a rel.

Raltlan umnak ah mina tuamhlawmtu siivai lam thei deuh mibawmtu cu an um nan tuamhlawmnak ṭhiṭha an nei lo ruangah le Siizung lam tlanpi ṭul mina phurnak mawṭaw a um lo ruangah harsatnak tumpi an tong ṭheu.

Thli huuk ruangah Natchaung raltlan buuk ṭhenkhat a siat tiah theih a si.

Leave a Reply

Your email address will not be published. Required fields are marked *