Thla 1 sungah PDF/CDF kut tuarin SAC ralhraang Battalion 20 tluk hrawng thi zo

November 7 ihsin December 6 tiang, rampumhuap doawknak ah SAC ralhraang 2117 mithi an um zo tiah NUG cozah pumruang pakhat a simi Ministry of Home Affairs and Immigration Myanmar in thu a suah.

Kahawknak ruangih hriamtuar mipum 370 le leiphum bomb puak ruangih hriamtuar mipum 141 telin ralhraang SAC ralkap hriamtuar mipum 682 le mithi 2117 an um tiah thu an suah.

Cumicu November 7 ihsin December 6 hrang tiang a si ih, Thla 1 fai lawngah mipi lamṭang hriamkai pawl kut tuarin ralhraang SAC ralkapthi 2117 le hriamtuar mipum 682 an um a si.

Kawl ralkap hi battalions 540 hrawng an um tiah ruah a si ih, CDM tuahtu ralbawitlan pawl rel dan ah tuhlan kum 10 hrawng ahcun Kawlram ralkap battalion 1 ah mipum 250-350 hrawng an um ti a si. Nan, tu ahcun battalion 1 hi mipum 120 hrawng lawng an si ih, doawknak ih a thitu ralhraang 2000 luan thawn tahṭhim cun thla 1 fai fangah mipi lamṭang hriamkai pawl kut tuar in ralhraang battalion 20 hrawng an thi tiah kan ti thei a si.

Leave a Reply

Your email address will not be published. Required fields are marked *