Thisen Thiang hmangin Myanmar Covid 19 mina Pali Damter

Myanmar ram ih Covid -19 mina 300 luan sung ihsin besia cuang mipum 8 pawl cu Thisen thiang (Blood plasma) hmangin enkol tuamhlawmnak an nei ih, cu pawl ah mipum 4 an damsuak tiah, Thisen thiang thawn Covid 19 dotu Ad-hoc thuron Dr. U Ye Mya cun a sim.

Thisen thiang hmangih zohkhen mi Covid 19 mina 8 ah kum 70 mi pakhat, kum 60 mi paruk le kum lailak naupai pakhat an tel ih cu pawl lak ihsin mipum 4 an damsuak mi a si.

Dr. U Ye Mya cun, “Covid 19 mina pawl cu nathrik in an thisen a khaal ter ih an Lung, Kaileng tvk ih thisen hri (thahri) a siat ter thluh ruangah an Lung le an Thluak pawl a siatter.

Cuvekih besia cuang mina pariat pawl cu Covid 19 natnak ihsin dam zo mi pawl ih hlu mi, Thisen thiang thawn kan tuamhlawm ih mipum 4 an damsuak.

Mina kan enkol mi lak ih naupai numi pakhat cu covid 19 nathirk nih a Lung lam a tham ih thla 7 mi nau pai lai a si ruangah tuamhlawm a har zet. Asinan, kan ti theitawk ten kan enkol hnu ah pum khuai in nau kan nei ter. Tu ahcun nau le a nu khal an dam zo ih sizung in an suak saal zo a si” a ti.

Tu ah, Thisen thiang hmangin Covid 19 mina enkolmi mipum 8 ah mi pali an dam zo ih a tanglai mi pali khal ṭhat lam an pan vivo tiah theih a siih Thisen thiang hlutu umdan ih zirin an ṭuan peh vivo tum asi.

Leave a Reply

Your email address will not be published. Required fields are marked *