Thingkuang sungih lek rero unau 3 cu an cangsual ih Thawpit in an thi

မော်လမြိုင်ကျွန်းမြို့ (Mawlamyinegyun), ဖိုးခမှီဒေါင့် khua ih um nauhak unau 3 cu Thingkuang sungih an lek nak ah thawpit in an thi.

December 27 ih thil thleng a si ih nu le pa Lo an feh sungah inn ih um nauhak unau 3 cu an lek ciamco ih Thingkuang sungah an lut hnu, rinlopin tawh hrennak a kilhaw ngah pang ruangah ong thei nawn loin thawpit in an thi mi a si.

“Innsang nu le pa hi Loram thawn pehparmi hnaṭuan in zingpit nazi 5 ah an suak ih nazi 10 hrawng ah an tlung sal. Mizaan zing ih an ra tlung cu an fale le an hmu lo ih an hawl ciamco hnu ah an pathum in Thingkuang sungah an hmu.”

“Tawhhrennak a kilhaw pang ih a hrenawk ruangah Thingkuang sung ah thawpit in an um. An hmur rong khal a pol thluh. Sii-khaan lam an panpi lohli nan a hmun an va thleng cu sibawi in an nunnak a cem zo a rak ti ” tiah Mawlamyinegyun ih siatton pawlkom ṭuanvonei U Win Aung in Duwun hnen ah a sim.

Nunnak cem nauhak unau thum cu kum 8 le kum 6 mi mipa pahnih, Kum 1 le thla 8 mi nunau pakhat an si.

An innsang cu mi pasarih an si ih vansiat an ton ni ah an upabik kum 15 mi cun a nu le pa Lo ah a thlun ih nauta lam unau thum cu inn ah an tanta a si.

Hih thu thawn pehpar in Mawlamyinegyun palik lam in zingzoinak an nei thok ih, an thih dan cu thaw hip ding Oxygen tlasam ruangah an nunnak a cem mi a si tiah siizung lam in thuthang an suah.

Mithi tu unau thum cu Siizung in an ruak laksuak a si zo ih tuizaan lam ah anmah hnamdaan in vuinak an nei zo a si.

Leave a Reply

Your email address will not be published. Required fields are marked *