The Myanmar Times A Mual Pho

Kawlram sung lawng silo, leitlun huap tiangih langsar The Myanmar Times cu thla 3 sung a lang te`n hnaṭuan an cawl tum lawk thu Official in Facebook cahmai ah mipi theihternak an nei.

Theihternak cu February 23 ah an suah mi a si ih ca sung ahcun “kan thuthang siar ṭheutu mipi le kan company ihsin thehlarnak nei ṭheutu hnen ah theihternak kan nei duh.”

“Myanmar Times neitu Myanmar Consolidated Media Co., Ltd. cu thla 3 sung hnaṭuan a cawl lawk dingih nitin thuthang kan suah ṭheu mi Myanmar Times Daily (Myanmar le English Edition) siseh, Myanmar TimesWEEKEND, Myanmar Times website (Myanmar/English), Myanmar Times TV, MCM Printing House, Myanmar Times Facebook, Twitter le News App tipawl cu 2021, February 21, zinglam nazi 10 in hnaṭuan a cawl thok a si” tiah an tarlang.

An cawl naksan cu tarlang a si lo nan an pu bik in ralkap mithmai zohin hna a ṭuan ter hai ruangah zung hnaṭuan Journalists pawl in an ngol san ih hnaṭuantuding an deihaw nawnlo ruangah an phit lawlaw sungmi a si tiah ramsung media ṭhenkhat in an tarlang.

The Myanmar Times i Journalist pawl hnaṭuan an bang nak thuthawn pehpar in “newsroom editor 5, reporter 9 le video journalists 3 in hnaṭuan kan ban san.”

“The Myanmar Times cu bulpak ta a si vekin zalen zet i thuthang thlah ding hi kan duh mi a si. Asinan, ralkap in kan hmin nan tarlang tikah cutin nan ngan ding kha tin nan ngan ding tiih thu an suahmi cu kan pu in a lungkim pi. Cun, ralkap i media conference an tuah ṭum ah rampi huap media zaten fehlo dingin thutiam kan nei. Cuticingin kan pu cun fehlo theihlo in in hnek. Curuangah hnaṭuan kan bang a si” tiah Myanmar Times ih hnaṭuan hmin tarlang lomi mipakhat in irrawaddy hnen ah asim.

Asinan, The Myanmar Times ih Chief Operating Officer U Wai Lin cun Journalists pawl ih puh mi cu a el ih “Ministry of Information thusuah thlun dingin le media phung thlun ih ṭanbul nei lo ih thusuah dingin kan sim mi sawn a si” tiah a thiamthu a rel.

Leave a Reply

Your email address will not be published. Required fields are marked *