Thailand cozah in Myanmar raltlan hrang beu nak ding tawlrel

Myanmar rampi buainak ruangah himnak hawl in Thailand ram ih tlan pawl hrangah Thailand cozah in hmun 7 ah umhmun a khuar sak tiah Thai Rath thuthang in a tarlang.

Abikin Thailand, Tak ramṭhen khua 4 ih tlanlut pawl hrangah ramṭhen cozah in hmun 7 ah beunak a tawlrel sakmi a si.

Hih thuthawn pehpar in Tak ramṭhen cozah ṭuanvonei mipakhat cun “Kawl ralkap ṭih in kan ramsung ih himnak hawltu Myanmar rammi pawl cu kan zoh men thei nawnlo. Curuangah Tak ramṭhen ah beunak ding kan tawrel sak.”

“Tak ramṭhen hmun 7 pawl ah umhmun khuar sak in hmalaknak kan nei. An umnak ding cu Tlawnginn, lehpaninnpi tivek a si ih remcang bikih khawsa thei dingin kan tawlrel sak. Hmailam khalah a ṭul dan i zirin hmalaknak kan nei vivo ding” tiah Thai Rath thuthang hnen ah a sim.

Cuih hmun pawl cu March 8 ah Thailand ralbawi le ṭuanvonei pawl in an va hal zo tiah theih a si ih ramri kiltu pawl thawn khal tongaw in thazang peknak khal an nei a si. (MTN)

Leave a Reply

Your email address will not be published. Required fields are marked *