Tarlangmi Ramkulh, Ramṭhen 10 pawl ah In-Ti a cat thei

Ṭhalpi kan thleng zik thlang ih tidai a harsa vivo ding. Cuhlei ah ramkulh, ramṭhen 10 sungih khua 150 hrawng ah In-Ti tidai a cat thei tiah Department of Rural Development zung ṭuanvonei mipakhat in a rel.

“Ramkulh pengṭhen ihsin report kan don dan ah cu khua 149 pawl ah In-Ti tidai a har thei. Nan, cumi khua zaten tidai an har thluh ding tinak cu a si lo. Data um dan ih zirin kan rel cia sung mi a si” tiah ralhraang kuthnuai cozah zung ih hnaṭuantu cun a rel.

Zung lam ihsin cutin thu a suak nan, kan dung kum khalah rampumhuap khua 300 hrawngah In-Ti a cat thei an ti nan atak ih tidai zem ṭul cu khua 80 hrawng lawng an si.

Kum 2022, Ṭhalpi ah In-Ti tidai a cat thei an ti mi ramkulh/ramṭhen pawl cu Kayin ramkulh, Rakhine ramkulh, Shan ramkulh, Mon ramkulh, Sagaing, Tanintharyi, Bago, Magway, Mandalay le Ayeyarwady tipawl an si ih, myone 47 sungih khua 150 hrawngah In-Ti a cat thei tiah theih a si.

Leave a Reply

Your email address will not be published. Required fields are marked *