Tamu Doawknak ah SAC ralkap 15 thi, mipi lam ah 1 nunnak liam ve
Sagaing ramṭhen, Tamu peng ah SAC ralkap le Tamu People’s Defense Forcedoawknak a suak ih nihnih sungah SAC ralkap 15 an thi tiah theih a si.
May 11, zaan nazi 10 in 12 karlak ah Tamu peng, Panthar khua ah an kapaw thok ih SAC ralkap 5 thi in Tamu PDF lam mipakhat nunnak a liam ve.
May 12 zinglam nazi 4 hrawng khalah Tamu peng, Kunṭaung ih umhmunkhuar SAC ralkap le Tamu PDF karlak ah kahdonak a suak sal ih SAC ralkap lam 10 an thi tiah Tamu Security Group in thuthang an suah ih ralkap lamṭang/bawmtu Kathe tapung (Manipur Meitei) 4 an thi tel tiah an phuang.
May 11-12 doawknak ah SAC ralkap lam in mithi 15 an um tiah Tamu Security Group in thuthang an phuang nan ralkap lam cun theihternak ca an suah lo.
