Sunvanglai, Zinpi lawnglakpi ah ralhraang mawṭaw an pahaw

Tuini, December 10, rampumhuap silent strike nei lai fangah Mandalay ih ralkap mawṭaw pahnih an pahaw tiah theih a si.

Sun nazi 2 hrawngah Mandalay myo, 35-78 lamzinkel ah an pahaw ih ralhraang 4 hriam nanawn an tuar tiah vengsung um pawl in an rel.

“Rampumhuap mipi inn leng suak lo lai fang a si ih, lamzin a lawng thluh. Cucingin ralkap mawṭaw 2 an pahaw” tiah tualsungum mipakhat in MTN hnen ah a sim.

Online ih zukdarhmi ah mawṭaw pakhat kiangah ralkap 2 an rilmi a lang. Miṭhen in meithal le thilri a tlakmi an sar lai a lang.

Tuini, December 10 ah rampumhuap mipi innleng suaklonak thawn ralhraang duhlonak langter dingin zing nazi 10 ihsin zaanlam 4 tiang caan an hmang tiah theih a si.

Leave a Reply

Your email address will not be published. Required fields are marked *