Suamawknak a um lai ah mipi kiltu ralkap in mipakhat kap that ngah pang

Thlanglam Shan ram, Muse khuasung suamawknak a um lai ah cangsual pangin vengsung humvennak ṭuanvo latu ralkap pakhat in mi a kap that ngah pang.

April 21 zinglam nazi 7 hrawngah mawṭaw cycle thawn bazarkai tlunglam nunau pahnih cu suamhmang mipahnih in an thlun ih bike par ih sui ṭhi orh nunau cu a ṭhi an bot sak tiah a hmutu mipakhat cun a rel.

“Bike par in a tla` ih kut thlak khal a tuar. Bawmnak dilin a au ciamco ih vengsung humvennak ṭuanvolatu ပြည်သူ့စစ် ralkap pakhat in bawm tumin meithal a hmet puak.”

“Meithal kahmi cun misual pawl a ngah lo ih buainak kiangih rak um ve mipa pakhat Lu ah a ngah.”

“Nunau pakhat thawn an si ih buainak a um ruangah feh ngan loin an hngak lai fangah mipa sawntu an kap ngah a Lu ah an kap ngah ih a hmun rori ah a thi cih” tiah a ti.

Misual pahnih cun sui ṭhi an lak ih an tlanhlo hlei ah suamtuartu cu hriam hma thawn a um ih, an kiang ih mawh neilo kum 20mi tlangval pakhat nunnak a can phah tiah amahcun a rel bet hrih.

Suamawknak thuthawn pehparin thuthang pholangtu Shannews in zirzoinak kan nei peh vivo ding tiah a tarlang.

Muse khua cu Tlangpar hriamkai pawlkom dangdang tlanlennak hmunpi a si ih, ramri ih um khuapi a si bangin riitsii tham an tam hlei ah suamawknak a um ṭheu ruangah tualsungum mipi in a him lo zet tiah an rel a si.

Leave a Reply

Your email address will not be published. Required fields are marked *