Strike camp khamri ih luttu palik 4 an kai

March 31 ah Kalay Myo, Dothlengnak sakhaan (strike camp) ih hman mi khamri sungih luttu palik 4 cu mipi in an kai tiah theih a si.

Camp khamri ih luttu palik 4 cu uniform hruk loin pangai thuamhnaw thawn an si ih rinhleh an um deuh ruangah mipi ṭangrual in an kai mi a si.

“Kan camp ah an ra lut ruangah rinhleh in kan kai. An mah cun beer in kan tum mi a si an ti. Asinan an simmi pawl zum um lo tuk ruangah kan khih hreng. An hnaṭuan, an hmin le an sinak pawl ngankhumnak ca le id khal an keng. Thirfung khal an keng” tiah camp ih um mipakhat in a sim.

Mipi pawl ih kaimi mi 4 cu Kalay Myo Traffic police bawibik sangtu Ko Min, Sergeant ThinNaingOo, Deputy Sergeant NanDaMin le rank niam palik PhuyTiHa tepawl an si. (Khonumthung)

Leave a Reply

Your email address will not be published. Required fields are marked *