Kum 5 mi naute pawngsual thattu cu TNLA ralkap in Thih Daan Tat

Shan : Namhsan peng, Lwe Kha Lay khua ih kum 24 mi MineAaPat cu an khua mi naute (kum 5) a pawngsual ih a kapthat that ruangah Shan ralkap TNLA thuṭhen zungin thih daan a tat.

MineAaPat cu mihlothlau hrimhrim a si ih tuhlan khal ah kum 4 mi naute le kum 54 mi pitar a rak pawngsual dah zo. Cuih ṭum ah pawngsual tongtu sungte cu paisa thawn an rak biakrem ih hremnak dang tuar hran loin an rak biak rem aw hai.

Kum 2018 khalah nunau pakhat inn ah luhcilh in that a si mi thu ah a rak telve ih cuih ṭum ah pukmah 302 thawn kum 7 thawngtlak dingin thuṭhensak a rak si.

Kum 7 thawngtlak dingih thuṭhencat sakmi a si nan kum 2 kim hlan, 2021 February 12 ah SAC ralkap ih ngaidam thlahzalen mi thawngtla pawl lak ah a rak tel ve.

Cutin thlah zalen a si hnu ah an khua ah a kir sal ih thawnginn in a suak hnu ni 23 sungah kum 5 mi naute a pawngsual tlun ah meithal thawn a kap that ruangah TNLA thuṭhenzung in thih daan a tat ih Shan ralkap pawl in an kap that.

Leave a Reply

Your email address will not be published. Required fields are marked *