Singapore ih hnaṭuan kawlram mi 47 pawl cu Myanmar ah tluangten thleng zo

Covid 19 ruangih Singapore ram ih tang, kawlram hnaṭuan mipum 47 pawl cu July 1 ah an umnak hmun kawlram ah vazam thawn tluangten an thleng thu theih a si.

Laawng par ih hnaṭuantu tlengawk dingih hngaktu le Singapore ihsin Laawng thawn pehpar mi hnaṭuan diltu pawl an siih an zaten mipum 47 an si.

An zaten Singapore, Changi Airport ihsin vanzam thawn an phur ih mizaan ah Rangoon airtport ah tluangten an thleng suak thei a si.

Covid – 19 thawn pehpar ih, Kawlram cozah thusuahmi vekin harhdamnak zohfel an si hnu ah ni 21 sung quarantine lut ding an si.

Covid – 19 ruangih vanzam thawn khualtlawnnak phit a si ruangah ram leng ih tang, kawlram mi mipum 6523 pawl cu cozah tawlrel nakin mai ram ah phur suak an si zo ih cupawl lak ah Laawng par ih hnaṭuan mipum 1200 an tel a si.

ref:DVB

Leave a Reply

Your email address will not be published. Required fields are marked *