Sekan ah ralthuamtum a tlak ih naute telin Khawmi 3 hriam tuar

May 30, Kalay peng, Sekan khua ah ralhraang kahmi ralthuamtum a puak ih naute telin khawmi 3 hriam an tuar.

Ralhraang ralkap pawl cu Sekan nisuahnak lam ihsin khawsung an lut ih khawmi pawl hmunkhat ah an um khawmter.

Khawsung an luh phah ah meithal hmetpuak in ralthuamtum an kap ruangah khawmi 3 hriam an tuar a si.

Hriam tuar 3 cu kum khat kim hrih lo naute, a nu le kum upalam mipakhat pawl an si ih naute le kum upalam cu an besia ih an nunnak hrang tiang phan sak a um tiah khawmi pawl in an rel.

Naute cu a hmai khat lam ah hriam a tuar ih a nu cu a pum ah, kum upalam cu a áš­ang ah ralthuamtum puakkuaimi in a perh ngah.

Ralhraang ralkap cu sun nazi 12 hrawngah Sekan ihsin an suak ih, an poksuak hlan ah inn tampi an boh ih biakinn ih retmi paisa, dawr ih zuarmi fangfai siti le khawmi pawl ih mobile phone tipawl an fir sak tiah Zalen in a phuang.

Kahdungzarh khalah ralhraang pawl ralthuamtum kah ruangah Sekan khawmi nautenu a kut a bul tiah thuthang kan thei.

Leave a Reply

Your email address will not be published. Required fields are marked *