Saya/Sayama thar ṭhenkhat cu Cafangkom dikten ngan thiam lo

Mandalay, Amarapura myone, khua pakhat ih lailak Tlawngsayama pakhat cu kawl cafangkom dikten khal ngan thiam loin a mual pho.

Khuami pakhat cun “Phun 5 kai ding ka fanu hmin ka va pe cu ပဉ္စမတန်း tiih ngan ding cu ပစ်စမတန်း tiah sayama in a ngan. Midang hrang a ngan mi khalah စတုတ္ထတန်း tiih ngan dingmi cu စတုတ်ထတန်း tiah a ngan” a ti.

Cumi khua ahcun fale Tlawngap lotu nu le pa cu cozah lam in daantatnak a nei ding tiah hringhronak a um ruangah khuami ṭhenkhat cun hrem ṭih in an fa le tlawng an kai ter tum.

“In thei pang cun hrem kan tuar ding ruangah khua hmin cu ka sim lo ding. May 31 netabik ah ret in fa le tlawngap lotu cu pukmah 505 thawn thubuai tuah an si ding tiah thu a um. Curuangah thin nuamlo cingin hmin kan va pek cu sayama nu ca ngan thiam ṭhiṭhalo a rak si. Hnih lamlam a suak. Kan fa le hrang ruat ahcun thin har za a si” tiah khuami cun a ti.

Tudinhmun ah rampihuap Tlawng saya/sayama tamzet cu CDM ah telin hnaṭuan an cawl ruangah SAC ralhraang an buai zet laifang a si.

Cazirhtuding saya/sayama an um lo tikah hmun ṭhenkhat ahcun caan malte training kaiter luklak in hnaṭuan an ko tiah ramsung media ṭhenkhat in an tarlang.

Leave a Reply

Your email address will not be published. Required fields are marked *