Salingyi ih khuami pawl an urkaang that dan cu a raap um tuk

Ralhraang SAC ralkap pawl in Sagaing ramṭhen, Salingyi peng, Donetaw khua ih mibur an urkaang thatmi thuthang cun Myanmar pumpihuap a hnin ter.

Meikhu a suak rero laimi an ruak pawl video tawi an zuk mi cu online ah a darh ih, an taksa ruangpi umdan le video zuk tu`i ṭahhah awann cun a zohtui` Lung a hngong na zet.

Ralhraanglam hoi deuh ih ca thlah ṭheu pawl cun an that hnu ih urkaangmi sivekin thu an suah nan, Video tawi ih a lang dan ahcun talbuai phah ih nunnak cemmi siin a lang.

Tuizing, December 7 ih thil thleng a si ih, rapthlak zetih that tuar pawl hi hriamkaibu thawn pehtlaihawknak neitu khal an si lo ih, hriamhrei keng khal an si lo tiah khuami pawl in an rel.

“SAC ralkap thazaang 100 hrawngin kan khua an ra nor ih, cumi ṭih ah an relh lai ah kaih an tuarmi a si” tiah khuami pakhat in a rel ih “mizaanlam ihsin bomb puah an tuar nasa ruangah hngirṭeu in kan khua in ra siim” a ti.

Urkaang tuar mibur hi mipum 10 hnak ih mal lo an si ih ralhraang SAC ralkap pawl in nasaten kut an thlak hnu ah hri thawn an ṭawn ih nung cingin an urkaang that tiah PDF hruaitu mipakhat in Myanmar Now hnen ah a sim.

Mithi pawl ih hmin cazin (Myanmar Now)

Nunrong SAC ralhraang kut tuar lakah kum 30 le 40 mi pakhat fingfing baaklocu kum 20 kiangkap mino hlir an si.

Leave a Reply

Your email address will not be published. Required fields are marked *